Fransanın Avropa Şurasındakı daimi nümayəndəliyində ATƏT-in Minsk Qrupunun həmsədrləri ilə Azərbaycan xarici işlər naziri Elmar Məmmədyarovun görüşü keçirilib.
APA-nın Avropa bürosunun məlumatına görə, Bakı vaxtı ilə saat 18.00-da başlayan görüş təqribən iki saata yaxın davam edib. Tərəflər görüşdə Dağlıq Qarabağ münaqişəsinin nizamlanması prosesinə dair danışıqların istiqamətləri ətrafında fikir mübadiləsi aparıblar. Hazırda ATƏT-in Minsk Qrupu həmsədrlərinin Ermənistan xarici işlər naziri Edvard Nalbandyanın görüşü keçirilir. Görüşdən sonra danışıqlar həmsədrlər və hər iki ölkənin xarici işlər nazirlərinin iştirakı ilə davam etdiriləcək.